కుటుంబం కళకళలాడాలంటే...
పెళ్ళికి ముందు పుట్టింట్లో ఆడపిల్ల ఎంతో గారాబంగా పెరుగుతుంది. అందరూ తనని ఎంతో ముద్దుగా చూసుకుంటారు. అలాంటి ముద్దు ముచ్చటలనే ఆడపిల్ల అత్త వారింట్లో కూడా కోరుకోవడంలో తప్పు లేదు. పెళ్ళికి ముందు ఇవి అందించడం తల్లిదండ్రులది ఎంత బాధ్యతో పెళ్లి తరువాత భర్త, అత్తమామలకి కూడా అంత బాధ్యత ఉంటుంది. వారిని నమ్ముకునే కదా...ఆడపిల్ల అత్త వారింట్లో అడుగు పెట్టేది. ఇంటి కోడలు సంతోషంగా ఉంటే ఆ కుటుంబం కళకళలాడుతూ ఉంటుంది అనేది పెద్దలు మనకు ఏనాడో చెప్పిన మాట.అలాంటి కళకళలాడే కుటుంబం కోసం ఇలా చేస్తే చాలు. - కుటుంబ సభ్యుల మధ్య ప్రేమ తప్ప ద్వేషాలకు తావు ఇవ్వకూడదు. కలహం అనే మాటని అసలు రానివ్వకూడదు.
- అనుబంధాలను తుంచేయాలని ప్రయత్నించే వారిని ఎవరినైనా సరే దూరంగా ఉంచాల్సిందే...అది ఇరుగు పొరుగు వారైనా దగ్గర బంధువులైనా చివరికి సొంత మనుషులైనా...
- తోడికొడళ్ళయినా, అన్నదమ్ములైనా ప్రేమను పంచుకోవడంలో, పెంచుకోవడంలో పోటీ పడాలి కాని ఆస్తిని, వస్తువులని, మనుషులని పంచుకోడానికి కాదు.
- అత్త గారు తన కోడలను ఆదరిస్తే, తన కూతుళ్ళను ఆ ఇంటి కోడలు తల్లిలా అక్కున చేర్చుకుంటుంది.
- ఇంటి ఆడపడుచు కోడలిని గౌరవించి మర్యాదగా చూస్తే, ఆమె ఇంటిని, ఇంట్లో మనుషులని ఎంతో గౌరవిస్తుంది.
- మొత్తం మీద అరమరికలు (Egos and Clashes)మరిస్తే కొంత ఆనందమే...!
No comments:
Post a Comment